Алматыда Орталық Азия электр энергетикалық үйлестіру кеңесінің 42-ші отырысы өтті

Іс-шараға Қазақстан, Өзбекстан, Тәжікстан, Қырғызстан және Ресейден келген энергетикалық ұйымдардың басшылары қатысты. Қаржы-есеп айырысу орталығы атынан Бас директоры Гүлжан Нәлібаева және Электр энергиясы нарығы департаментінің директоры Әсел Қалимова қатысты.

Іс-шараға қатысушылар 2024 жылғы Орталық Азияның Біріккен энергожүйесінің жұмыс қорытындыларын және алдағы 2024-2025 күзгі-қысқы кезеңде күтілетін жұмыс режимін талқылады. Атап айтқанда, апаттық өшірулердің алдын алу жөніндегі мәселелер, энергия жүйелерінің параллель жұмысындағы режимдер, жаңартылатын энергия көздерін электр желісіне интеграциялау перспективалары және оларды дұрыс пайдалану, сондай-ақ өңірлерде су ресурстарын ұтымды пайдалану сұрақтары талқыланды.

Сонымен қатар, Үйлестіру комиссиясы Қазақстан мен Орталық Азия елдерінің энергожүйелері арасындағы ақпараттық алмасуды кеңейту мәселелерін қарастырды.

• 18.10.2024
• 109