«KOREM» АҚ «Орталық Азия энергетикасы» USAID жобасының семинарына қатысты

2024 жылдың 29 қазанында «Электр энергиясы мен қуаты нарығының қазақстандық операторы» АҚ (бұдан әрі - KOREM) «Қырғыз Республикасының жаңартылатын энергетикалық секторына инвестициялар үшін бәсекелік сатып алулар» тақырыбындағы семинарға онлайн қатысты.

Іс-шараны «Орталық Азия энергетикасы» USAID жобасы Қырғыз Республикасының Энергетика министрлігі, Қырғызстан Министрлер Кабинетінің жанындағы Жасыл энергетика қоры және Еуропалық қайта құру және даму банкімен бірлесіп ұйымдастырды.

Америка Құрама Штаттарының Халықаралық даму агенттігі (USAID) қаржыландыратын «Орталық Азия энергетикасы» жобасы Орталық Азия елдеріне таза энергияға көшуде және жаңартылатын энергия көздері мен энергия тиімділігін арттыру салаласында мақсаттарына қол жеткізуде қолдау көрсетеді.

Семинар гибридтік форматта Бішкек қаласында (Қырғыз Республикасы) өтті, оған Қырғыз Республикасының энергетикалық компаниялары, министрліктері мен реттеуші органдарының өкілдері қатысты. Қазақстан тарапынан «KOREM» АҚ және «Жаңартылатын энергия көздерін қолдау жөніндегі есеп айырысу-қаржы орталығы» ЖШС қатысты.

Семинардың мақсаты – ЖЭК енгізуді арттыру арқылы шығарындылары аз, климаттың өзгерістеріне төзімді және үнемді экономикаға көшуді жеделдету шешімдерін іздеуде Қырғыз Республикасына қолдау көрсету. Семинарға тәжірибе алмасу және ЖЭК конкурстық сатып алулар ережелерін, сондай-ақ жаңартылатын энергетика саласындағы жобаларды жүзеге асыруға қатысты басқа да мәселелерді талқылау үшін Қырғыз Республикасы мен Қазақстанның энергетика секторындағы өкілдері шақырылды.

 «Орталық Азия энергетикасы» USAID жобасы басшысының орынбасары Баян Абулкаирова іс-шараның модераторы болды. Ол семинардың бағдарламасы мен мақсатын бөлісіп, Жоба туралы қысқаша айтып берді.

Өз кезегінде «KOREM» АҚ атынан нарықтарды дамыту департаментінің бас менеджері Александр Тен бейнеконференцбайланыс арқылы «Қазақстандағы ЖЭК аукциондары» тақырыбында баяндама жасады. Александр Тен өз сөзін Қазақстанда ЖЭК даму тарихынан бастады, сондай-ақ өтінім беру шарттары мен сауда жүйесінде тіркеу тәртібі туралы және ЖЭК жобаларын іріктеу бойынша аукциондық сауда-саттықты өткізу тәртібі туралы айтты.

Семинар «сұрақ-жауап» белсенді пікірталас сессиясы үлгісінде өтті, онда іс-шараға қатысушылар барлық сұрағына жауап алды.

• 30.10.2024
• 34