Республика күніне орай Бесқарағай ауданында жаңа пәтерлердің кілттері табысталды

Бесқарағай ауданында Республика күніне орай кезекте тұрғандарға жаңа пәтер кілттері табыс етілді.

Канонерка ауылында екі пәтерлі екі тұрғын үй пайдалануға беріліп, оған төрт отбасы қоныстанды.
 

«Бүгін Республика күнінде үлкен қуанышқа кенеліп жатырмыз. Балаларым бұл күнді көптен күтті. Көп балалы отбасыларды қолдау бағдарламасына ризамын. Барша жерлестерді Республика күнімен құттықтаймын!», - деді көпбалалы ана Гүлзира Қуанышева.

Дәл осындай шара аудан орталығы Бесқарағай ауылында да өтті. Аудан әкімі Талғат Мұратов тұрғындарды мерекемен құттықтап, отбасыларға пәтер кілтін табыстады. Жаңадан қоныстанғандардың қатарында көпбалалы үш отбасы, халықтың әлеуметтік осал тобынан шыққан төрт отбасы және мүмкіндігі шектеулі бала тәрбиелеп отырған отбасы бар.

Ақын Нұрлыбек Баймұратұлының туған жері Қарағайлы ауылында да көпбалалы төрт отбасы жаңа пәтерге ие болып, салтанатты түрде кілт табыстау рәсімі өтті.

• 30.10.2024
• 73