Өтініштермен жұмыс жасау тиімділігін арттыру шаралары ұсынылды

Абай облысы әкімінің аппараты облыс бойынша Құқықтық статистика және арнайы есепке алу комитеті департаменті, қалалар мен аудандар әкімдіктері, сондай-ақ облыстық басқармалар өкілдерінің қатысуымен кеңес өткізілді.

Кеңесте өтініштерді қарау барысында Қазақстан Республикасы Әкімшілік рәсімдік-процестік кодексі нормаларының талаптары бұзылуының туындауына ықпал ететін себептер талқыланды.

Қатысушылар өтініштерді өңдеуге байланысты өзекті мәселелерді талқылады. Сондай-ақ, өтініштермен жұмыс жасау тиімділігін арттыру шараларын ұсынды. Мұндай кеңестер мемлекеттік органдар мен халық арасындағы өзара іс-қимылды жақсарту үшін үнемі өткізіліп тұрады.
 

• 30.10.2024
• 28