Жыл соңына қарай өнеркәсіп өнімінің көлемі 1,3 трлн. теңгеге жетеді деп жоспарланған

Алматы облысында өнеркәсіпте 1 трлн.168 млрд. теңгенің  және ауыл шаруашылығында 918 млрд. теңге өнімі өндіріліп, өсім 2,3 процентті құрады. Ал құрылыс жұмыстары 6,8 процентке артып, 310,2 млрд. теңгеге жеткен. 

Алматы облысының инвестициялық қоржынында 44 мың жұмыс орнын құратын жалпы құны 5,4 трлн. теңге болатын 546 жоба бар. Бұл ретте 7,6 мың жұмыс орнын құратын, инвестициясының жалпы сомасы 250 млрд. теңге болатын Трансұлттық компаниялардың тоғыз жобасының үлесі зор.

Трансұлттық «Маревен Фуд», «Лукойл», «Willo» компанияларының жобалары бүгінгі күні іске асқан. Биылғы жылы жылына 60 мың тонна қуаттылығы бар «Фид Миллс» құрама жем зауыты іске қосылады. Наурыз айында 360 жұмыс орнын құратын, инвестиция көлемі 47 млрд. теңге болатын, қуаты 1,2 млн. тонналық «Алацем» өңірдегі тұңғыш цемент зауыты ашылады.

- Ішкі нарықты отандық тауарлармен толтыруға «Қарапайым заттар экономикасы» бағдарламасы ықпал етуде. Осы бағдарлама шеңберінде 56 млрд. теңгелік 183 жоба мақұлданды. Жыл соңына қарай өнеркәсіп өнімінің көлемі 1,3 трлн. теңгеге, шикізаттық экспорт – 400 млн. АҚШ долларына жетіп, 18% өседі деп күтіліп отыр.

• 19.02.2021
• 206