Облыс әкімі Асайын Байханов азаматтарды қабылдау орталығының тұжырымдамасымен танысты.

Ген. Дүйсенов көшесі, 80 мекен жайы бойынша орналасқан әкімшілік ғимаратқа заманауи азаматтарды қабылдау орталығын, яғни, бірыңғай кеңістікте жайлы күту аймағы бар кеңейтілген супер-ХҚКО, мемлекеттік органдардың өкілдіктерін, қоғамдық қабылдау бөлмесін, 109 және 112 қызметтерін, салтанатты рәсімдерді өткізуге арналған залы бар АХАТ, психолог, заңгер және медиатор кабинеттерін орналастыру жоспарлануда.

Мемлекеттік қызметтерді алатын немесе бірқатар мемлекеттік органдарға әртүрлі мәселелері бойынша жүгінетін өңір тұрғындары үшін АҚО-ның орналасуы қолайлы болмақ. Өйткені, ғимарат қаланың әкімшілік орталығына жақын орналасқан және қоғамдық көлік бағыттары көп жүреді.

Өңір басшысы тұрғындар барлық қажетті қызметтерді бір жерден ала алатындай, сондай-ақ, басқа да осындай қызметтермен функциялардың қайталанбауын, АҚО жұмысын ұйымдастыру жүйесін пысықтап, орналастыру мәселесін жан-жақты зерделеуді тапсырды.

• 06.12.2024
• 24