Облыс әкімдігінде әлеуметтік-экономикалық дамудың алдын ала қорытындылары және 2024 жылғы бюджетті игеру мәселелері талқыланды.

Павлодар облысы инвестициялардың өсу қарқыны бойынша үздік үштіктің қатарында, ал, аграрлық секторға тартылған инвестициялар көлемі бойынша 1 орында тұр. 2024 жылдың 11 айы ішінде өңір экономикасына 943 млрд. теңге инвестиция тартылды.

Өнеркәсіп саласында 3 трлн. теңгеден астам сомаға өнім өндірілді, бұл 2023 жылғы деңгейден 4,6%-ға артық. 9,4% өсімге қол жеткізілген өңдеу секторы негізгі драйвер болып қала береді.

Ауыл шаруашылығында өнімнің жалпы көлемі 1,3 есеге артып, 434 млрд. теңгені құрады. Құрылыс көлемі 317,8 млрд. теңгені құрады, бұл 2023 жылғы кезеңнен 15,2 %-ға артық.

2024 жылдың 11 айында кірістер бойынша облыс бюджеті 100,5%-ға орындалды, жоспардың асыра орындалуы - 1,6 млрд. теңге. Бюджет 98,1%-ға игерілді.

Облыс әкімі Асайын Байханов қазір қалалар мен аудандар әкімдерінің алдында биылғы жылдың барлық макро көрсеткіштерін орындау және өңір экономикасының белгіленген өсу қарқынын сақтау үшін барынша күш салу міндеті тұрғанын атап өтті.

• 20.12.2024
• 69