Достық үйінде өңірдің шығармашылық зиялы қауым өкілдерімен кездесу өтіп, 2024 жылғы мәдениет және өнер саласындағы жұмыстардың қорытындылары талқыланды.

Достық үйінде өңірдің шығармашылық зиялы қауым өкілдерімен кездесу өтіп, 2024 жылғы мәдениет және өнер саласындағы жұмыстардың қорытындылары талқыланды. Іс-шараға облыс әкімі Асайын Байханов қатысты.

Өңір басшысы биылғы жыл мерейтойлық және мәдени іс-шараларға толы болғанын атап өтті. Біздің ұлы жерлестеріміздің мерейтойлары жоғары деңгейде атап өтілді, сондай-ақ, олардың бірқатар маңызды туындылары жарық көрді.

Облыс әкімі осы іс-шаралардың өтуіне атсалысып, Павлодар өңірінің мәдениеті мен өнерін дамытуға зор үлес қосқандардың барлығына алғысын білдірді.

- Ұлттық мәдениетіміздің асыл мұрасын сақтау, сондай-ақ, оларды келешек ұрпаққа жеткізу - баршамыздың парызымыз! Біздің өңірдің мәдени және рухани мұрасын дамытуға және нығайтуға қосқан зор үлестеріңіз бен игі еңбектеріңіз үшін шын жүректен алғысымды айтамын, - деді Асайын Байханов.

Іс-шараға қатысқан 24 қатысушы өңірдің мәдениеті мен өнерін дамытуға қосқан үлестері үшін облыс әкімінің гранттарымен марапатталды.

• 24.12.2024
• 68