Бүгін Қостанай қаласының тұрғындарымен кездесу өткіздім.

Бүгін Қостанай қаласының тұрғындарымен кездесу өткіздім. Кездесу соңында азаматтарды жеке қабылдау ұйымдастырылды — әрбір адамның мәселесін тыңдап, олардың түйткілдері мен ұсыныстарын өз аузынан түсіну әрдайым маңызды деп санаймын.

Көтерілген негізгі мәселелер:
• Әлеуметтік осал топтарды тұрғын үймен қамтамасыз ету, сондай-ақ қозғалысы шектеулі азаматтардың спортпен шұғылдануына жағдай жасау.
• Аула мен көшелерді абаттандыру: заманауи балалар және спорт алаңдарын салу, жол инфрақұрылымын жақсарту.
• Жаңа жұмыс орындарын құру, шағын және орта бизнесті қолдау, сондай-ақ өңірге инвестиция тарту жоспарлары.

Әрбір өтініш жеке бақылауға алынды. Осындай кездесулер қала тұрғындарының өмірін жақсарту үшін қай бағытта және қалай жұмыс істеу керектігін нақты түсінуге мүмкіндік береді.

Белсенділік пен сындарлы диалог үшін қостанайлықтарға алғысымды білдіремін. Сіздердің ұсыныстарыңыз бен қатысуларыңыз – оң өзгерістердің кепілі!

 

• 25.12.2024
• 43