Қостанай облысы үшін тарихи жетістік!

Қостанай облысы үшін тарихи жетістік!

Жоғары спорт шеберлігі мектебінің тәрбиеленушісі, жерлесіміз Алексей Чуркинді Манама (Бахрейн) қаласында өткен ауыр атлетикадан әлем чемпионатындағы керемет жеңісімен құттықтаймыз!
• Жұлқа көтеру –  қола
• Серпе көтеру –  күміс
• Қоссайыс –  күміс

Алексей тек лайықты жүлделерге ие болып қана қоймай, Қостанай облысының ғана емес, бүкіл еліміздің мақтанышына айналды. Ол еңбекқорлықтың, табандылықтың және өз күшіне деген сенімнің әлемдік шыңға жетелейтінін дәлелдеді!

Спортшыны халықаралық дәрежедегі спорт шебері және Қазақстанның ұлттық құрамасының мүшесі деңгейіне жеткізген бапкері – Сергей Вячеславович Корщиковқа ерекше алғыс айтамын.

Ертең біздің тағы бір спортшымыз – Денис Полубояринов өз өнерін көрсетеді. Мен облыс атлеттерінің жетістіктерін жеке қадағалап, шын жүректен жанкүйер боламын. Дениске сенімділік, мықты күш және жарқын жеңіс тілеймін!

Бұл медальдар – тек спортшыларды ғана емес, барлығымызды шабыттандыратын тарихи жетістік. Алексей, біз сенімен мақтанамыз!

 

• 25.12.2024
• 42