Бүгін Қостанай облысында бірден 15 жаңа медициналық нысан ашылды!

Бүгін Қостанай облысында бірден 15 жаңа медициналық нысан ашылды!

Біздің мақсатымыз – әр ауылды сапалы медициналық инфрақұрылыммен қамтамасыз ету. Бұл өңірдің денсаулық сақтау жүйесін жақсартуға бағытталған маңызды қадам!

 Ашылу рәсімі облыс аудандарымен телекөпір арқылы өтті. Жаңа фельдшерлік-акушерлік пункттер Әулиекөл, Наурызым, Қамысты, Қарабалық аудандарында, Б. Майлин атындағы ауданда және Арқалық қаласында өз жұмысын бастады.

 «Ауылдық денсаулық сақтауды жаңғырту» жобасы аясында облыста 25 нысанның құрылысы жүзеге асырылды:
• 5 дәрігерлік амбулатория,
• 19 фельдшерлік-акушерлік пункт,
• 1 медициналық пункт.

 Медициналық нысандар реабилитация кабинеттерімен, УДЗ, ЭКГ, зертханалық құрал-жабдықтармен жабдықталған. Бұл ауыл тұрғындарына білікті көмекті жергілікті жерде алуға мүмкіндік береді.

 Жыл басынан бері облыс ауылдарына 100-ден астам дәрігер жұмысқа келді. Кадрларды қолдау үшін 7 млн теңгеге дейін көтерме ақы қарастырылған.

 Жаңа медициналық құрал-жабдықтар мен мамандардың еңбегінің арқасында 20 мың ауыл тұрғыны сапалы медициналық көмекке қол жеткізе алады!

Барша облыс тұрғындарын осы маңызды оқиғамен және Тәуелсіздік күні мерекесімен құттықтаймын! Бұл мекемелер халқымыздың денсаулығына деген қамқорлықтың айқын үлгісі болсын!

• 25.12.2024
• 44