Астанада ДЗМҰ мен ЕАПҰ-ның технопарктер бойынша өңірлік кездесуі аяқталды: зияткерлік меншік саласындағы халықаралық ынтымақтастықтың жаңа кезеңі

2024 жылғы 5-6 желтоқсанда Астанада Дүниежүзілік зияткерлік меншік ұйымы (ДЗМҰ) мен Еуразиялық патенттік ұйымның (ЕАПҰ) Өңірлік кездесуі өтті, ол халықаралық сарапшыларды, академиялық мекемелер мен технопарктер өкілдерін зияткерлік меншік (ЗМ) маркетингі және технопарктер, академиялық мекемелер арасындағы стратегиялық әріптестік мәселелерін талқылау үшін біріктірді. Іс-шара қатысушыларға ЗМ коммерцияландыру саласындағы түйінді сын-қатерлер мен мүмкіндіктерді талқылауға мүмкіндік бере отырып, Еуразиялық өңір елдерінің және одан тыс жерлердің өзара іс-қимылы үшін бірегей платформаға айналды. Кездесуді ДЗМҰ, ЕАПВ, Қазақстан Республикасының Әділет министрлігі және Qazpatent ұйымдастырды.

Еуразиялық патенттік ведомствоның өкілі Еуразиялық патенттік ведомствоның президенті Григорий Ивлиевтің атаулы сәлемдесуін оқыды.

Өңірлік кездесуге қатысушылар алдында алғы сөз сөйледі:

• Шолпан Абдреева, Қазақстан Республикасы Әділет министрлігінің Зияткерлік меншік құқығы комитетінің төрағасы,
• Илья Грибков, Кавказ, Орталық Азия және Шығыс Еуропа елдері секциясының басшысы, Өтпелі және дамыған экономикасы бар елдер бөлімі (TDC), өңірлік және ұлттық даму секторы, ДЗМҰ.

Іс-шараға Әзербайжан, Беларусь, Қазақстан, Қырғызстан, Ресей, Тәжікстан, Түрікменстан, Өзбекстан, Қытай, Франция, Швейцариядан 50-ден астам өкіл, сондай-ақ ЕАПВ және зияткерлік меншік мәселелерімен айналысатын басқа да негізгі ұйымдардың өкілдері қатысты.

Талқылаудың негізгі бағыттары:

1.Технопарктер мен ТИҚО дамуындағы ЗМ маркетингінің рөлі 

• Халықаралық сарапшылар, соның ішінде ДЗМҰ өкілдері және Франция мен Швейцарияның жетекші мамандары технологиялар трансфері, лицензиялау және патенттік аналитика бойынша табысты кейстерді ұсынды.
• Спикерлер Майкл Мбогоро (ДЗМҰ) және Фредерик Кайо (Франция), маркетингтік стратегияларды әзірлеу мен серіктестіктерді басқарудың негізгі құралдары туралы айтты.

2. Стратегиялық серіктестік және халықаралық ынтымақтастық 

• Технопарктер, мемлекеттік ведомстволар мен бизнес арасында тұрақты альянстарды қалыптастыру мәселелеріне ерекше назар аударылды.
• Қытай мен ЕАПВ өкілдері ЗМ саласындағы шағын және орта кәсіпорындарды (ШОБ) қолдау үшін мемлекеттік қызметтерді кеңейту тәжірибесімен бөлісті.

     3.Қатысушылардың практикалық жұмысы 

• Әр түрлі елдердің қатысушылары халықаралық мысалдарды зерттеп, оларды өз елдерінің шындығына бейімдей отырып, технопарктердің инновациялық жобаларын ілгерілетудің нақты стратегияларын жасау үшін топтарда жұмыс істеді.

Qazpatent директорының орынбасары Газиз Амреев қорытынды сөз сөйледі. Ол атап өтті: 

«Зияткерлік меншік саласындағы халықаралық ынтымақтастық тұрақты инновациялық экожүйені құру үшін маңызды болып табылады. Өңірлік кездесу жалпы міндеттерді шешу үшін Еуразиялық аймақ елдерінің және одан тыс жерлердің күш-жігерін біріктіруге мүмкіндік берді. Біз Қазақстанның осындай ауқымды және маңызды оқиғалардың орталығына айналғанын мақтан тұтамыз». 

Кездесу қорытындысы:

• Технологиялар трансферті мен ЗМ маркетингінің жаңа тетіктерін әзірлеу.
• Технопарктер мен ТИҚО арасындағы халықаралық альянстарды нығайту.
• Мемлекеттік бастамалар мен халықаралық ынтымақтастық арқылы шағын және орта кәсіпорындарды қолдау.

ДЗМҰ мен ЕАПҰ-ның өңірлік кездесуі зияткерлік меншік мәселелерінің жаһандық сын-қатерлер контекстінде өзектілігін растады. Әр түрлі елдер өкілдерінің қатысуы халықаралық диалогты нығайтудың, тәжірибе алмасудың және инновациялық экожүйені дамыту үшін шешімдерді бірлесіп іздеудің маңыздылығын атап көрсетеді. Қазақстан осындай оқиғалардың алаңы бола отырып, өңірдің экономикалық дамуына инновацияларды интеграциялауға өзінің бейілділігін көрсетеді.

• 27.12.2024
• 62