Өңір басшысы Асайын Байханов облыстың спорт жұртшылығымен кездесті

2024 жылы өңірдің спортшылары жоғары нәтижелерге қол жеткізді. Көптеген жерлестеріміз республикалық жарыстардың жеңімпаздары атанып, халықаралық ареналарда еліміздің туын биікке көтерді. Сондай-ақ, Павлодар Ертіс өңірінің тұрғындары V Дүниежүзілік көшпенділер ойындарында 4 медаль жеңіп алып, лайықты дәрежеде өнер көрсетті.

Облыс әкімі спортшылар мен жаттықтырушыларды жарқын жеңістерімен құттықтап, алғыс хаттар мен 100 мың теңгеге сертификаттар табыс етті.

- Сіздерді жаңа жыл қарсаңында құттықтағаныма қуаныштымын. Биылғы жыл спорттық жеңістер мен жетістіктерге толы болды. Бүгін бұл залға үздік спортшылар, халықаралық және республикалық жарыстардың жеңімпаздары жиналып отыр. Сіздердің кәсібиліктеріңіз бен патриотизмдеріңіз үшін зор алғысымды білдіремін, - деді өңір басшысы, келер жылдың қысқы және жазғы Азия ойындарына табысты дайындық тілеп.

• 27.12.2024
• 65