Облыс әкімдігінде «Tayelsiz Qazaqstannyn Halyq Batyrlary» РҚБ төрағасы, Халық қаһарманы, генерал-лейтенант Бақытжан Ертаевпен кездесу өтті.

Кездесуде осы жылдың қыркүйек айында облыстың оқу орындарында «Tayelsiz Qazaqstannyn Halyq Batyrlary» республикалық қоғамдық бірлестігінің IV конференциясын өткізу мәселесі талқыланды.

Қазақстанның Халық қаһарманы басшылық ететін қоғамдық бірлестік бүгінде жастарды патриотизмге тәрбиелеу, діни және ұлтаралық толеранттылық, әлеуметтік теңдік бағытында ауқымды тәрбие жұмыстарын жүргізуде.

Бақытжан Ертаев Қазақстанның өскелең жастары Отанға, отандастарға, қоршаған әлемге құрметпен қарау да патриотизм екенін түсініп өсуі тиіс екенін атап өтті.

- Отанды әкелеріміз сүйгендей жүрекпен сүю керек. Мен аты аңызға айналған жерлесім - соғыс батыры Бауыржан Момышұлының арқасында әскери адам болдым. Біз Қабанбай батыр, Наурызбай батыр, Мәншүк Мәметова, Әлия Молдағұлова және басқа да қолбасшылар мен батырларды мақтан тұттық. Осы батырларды үлгі етіп жастарды тәрбиелеу қажет, - деді Бақытжан Ертаев.

• 07.02.2025
• 32