Әкімдік отырысында жұмыспен қамту, бизнесті қолдау және халықтың өмір сүру сапасын арттыру мәселелері талқыланды

Әкімдік отырысында жұмыспен қамту, бизнесті қолдау және халықтың өмір сүру сапасын арттыру мәселелері талқыланды.
Мемлекеттік қолдаудың арқасында соңғы екі жылда өңірде өнеркәсіп пен ауыл шаруашылығында бірқатар инвестициялық жобалар жүзеге асырылды. Бұл шаралар келесі нәтижелерге қол жеткізуге мүмкіндік берді:

2024 жылы жұмыспен қамту шараларымен 48 мың адам қамтылды;
19 мың жаңа жұмыс орны құрылды;
Жұмыссыздық деңгейі 4,6%-ға дейін төмендеді (2023 жылы – 4,7%);
Әлеуметтік көмек алатын отбасылар саны 40%-ға қысқарды – 4 мыңнан 2,4 мыңға дейін.
 Бизнесті қолдау саласындағы қол жеткізілген көрсеткіштер:

Шағын және орта бизнес субъектілерінің саны екі жылда 8%-ға өсіп, 66 мыңға жетті;
2024 жылдың бірінші жартыжылдығында ШОБ өнім шығару көлемі 3%-ға артып, 900 млрд теңгені құрады;
Облыстың оңтүстік аудандарында 1%-дық жеңілдетілген несие арқылы 27 жобаға 1,1 млрд теңге бөлініп, мал басы көбейтіліп, өндіріс жаңғыртылды.
 2025 жылы өнеркәсіп саласында 8 ірі жобаны іске қосу жоспарлануда, нәтижесінде 3400 жаңа жұмыс орны ашылады. Ауыл шаруашылығындағы жобаларды жүзеге асыру өңір тұрғындарына қосымша жұмыс орындарын қамтамасыз етеді.

Бұл шаралар бизнестің дамуына, халықты жұмыспен қамтудың артуына және өңірдегі өмір сүру сапасының жақсаруына ықпал етеді.

• 07.02.2025
• 49