Қостанай облысында спорттық инфрақұрылымды дамыту және жаңғырту жұмыстары қарқынды жүргізілуде

Қостанай облысында спорттық инфрақұрылымды дамыту және жаңғырту жұмыстары қарқынды жүргізілуде. Өткен жылы өңірде 5 жаңа дене шынықтыру-сауықтыру кешені ашылса, 2025 жылы тағы 6 кешен пайдалануға беріледі.

Бүгін Қостанайдағы Қадырбек Оспанов атындағы спорт мектебінің (Еңбек резервтері) қайта жаңғырту жұмыстары тексеріліп, жөндеу жұмыстарының сапалы және уақытылы орындалуы бойынша нақты тапсырмалар берілді.

40 жылдан астам уақыт бұрын салынған кешен 20 жыл ішінде алғаш рет толықтай жаңғыртылып жатыр. Ерекше назар мүмкіндігі шектеулі жандарға қолжетімді ортаны құруға аударылды:
• лифт пен пандустар орнатылуда;
• инженерлік коммуникациялар жаңартылуда.

Сондай-ақ бассейнге арналған заманауи сүзгілеу және су тазарту жүйесі енгізілуде. Бұл жүйе жаттығуларды анағұрлым ыңғайлы әрі қауіпсіз етеді.

Жаңғыртудан кейін кешен күніне шамамен 300 адамды қабылдай алады. Қайта жаңғырту жұмыстарының 70%-ы аяқталды. Нысанды іске қосу биылғы жылдың көктеміне жоспарланған.



 

• 07.02.2025
• 34