Рудный қаласында екі көпқабатты тұрғын үй пайдалануға берілді

Рудный қаласында екі көпқабатты тұрғын үй пайдалануға берілді.
Кезекте тұрған көпбалалы отбасылар мен мүмкіндігі шектеулі жандарға 122 жаңа пәтердің кілті табысталды.
Жаңа қоныс иелерін қуанышты сәттерімен құттықтап, амандық, денсаулық және жаңа үйлеріңізде жылылық пен береке тілеймін!

Қостанай облысында Мемлекет Басшысының азаматтарды сапалы тұрғын үймен қамтамасыз ету жөніндегі тапсырмасы жүзеге асырылып жатыр.
 Өткен жылы 500 мың шаршы метр тұрғын үй пайдалануға беріліп, 5 мыңнан астам отбасы жаңа баспанаға ие болды.
 Жалға берілетін тұрғын үй сатып алуға қаржы бөлінді. 2024 жылы 940 пәтер сатып алынды, бұл 2023 жылмен салыстырғанда 5,7 есе көп.
 Биыл шамамен 1000 пәтер сатып алу жоспарланып отыр, бұл одан да көп отбасының тұрғын үймен қамтамасыз етілуіне мүмкіндік береді.

 Рудный қаласындағы тағы бір маңызды нысан – “Казогнеупор” зауыты.
Кәсіпорын өнеркәсіпке арналған отқа төзімді материалдар шығарып, өнімдерін ішкі нарыққа ғана емес, сонымен қатар шамамен 70%-ын экспортқа жөнелтеді.

 2023 жылдан 2026 жылға дейін кәсіпорында өндірісті техникалық қайта жарақтандыру және жаңа өндірістік желілерді іске қосу бағдарламасы кезең-кезеңімен жүзеге асырылуда. Бұл өндіріс көлемін екі есе ұлғайтуға мүмкіндік береді.
 Реконструкция мен даму үшін жалпы инвестиция көлемі 6,9 млрд теңгені құрайды, оның ішінде:
• 2023 жылы 1,7 млрд теңге;
• 2024 жылы 3,2 млрд теңге;
• 2025 жылы 2 млрд теңге инвестиция салу жоспарланып отыр.

 Мемлекет қолдауының арқасында 2024 жылы өндірісті едәуір жаңғыртып, жоғары рентабельді өнім шығару көлемін арттыру мүмкін болды.

• 07.02.2025
• 49