Мемлекет басшысының өңірдегі қайта өңделген ауыл шаруашылығы өнімдерінің үлесін арттыру жөніндегі тапсырмасын орындау аясында 6 заманауи сүт-тауарлы ферма салынуда

Мемлекет басшысының өңірдегі қайта өңделген ауыл шаруашылығы өнімдерінің үлесін арттыру жөніндегі тапсырмасын орындау аясында 6 заманауи сүт-тауарлы ферма салынуда.

Соның бірі – Алтынсарин ауданының Басбек ауылындағы 660 бас ірі қара малға арналған ферма. Бұл МТФ ауыл шаруашылығын әртараптандырудың және өнім өндірудің жаңа деңгейіне шығудың үлгісі болмақ.

Жобаның құны – 3,5 млрд теңге, мемлекет қолдауымен жүзеге асырылуда:
 3 млрд теңге 2,5% жеңілдікпен несие ретінде бөлінген;
 Құрылыс-монтаждау жұмыстарының 25%-ы субсидияланады;
 Жабдық сатып алуға 25% субсидия бөлінген;
 Шетелден әкелінген әрбір мал басына 400 мың теңгеге дейін субсидия беріледі;
 Азық өндіруге арналған техника шығындарының 50%-ы өтеледі;
 2 жылға дейін несие демалысы қарастырылған.

Бұл ферма жылына 4,5 мың тонна сүт өндіріп, өңірді сапалы өніммен қамтамасыз етіп, ауыл тұрғындары үшін 35-тен астам жұмыс орнын ашады.

Осындай жобалардың жүзеге асуы өмір сапасының өзгеруіне жол ашатынын көреміз:
 Ұбаған ауылында кезекте тұрғандар үшін 8 жаңа екі пәтерлі үй салынды, тағы 7 үй салынады;
Үлкен Чураков ауылында мәдениет үйі ашылып, шығармашылық пен бірліктің орталығына айналды;
 Коммуналдық инфрақұрылымды жақсарту жұмыстары жүргізілуде.

Агросекторды дамыту – ауылдық жерлерде жайлы әрі сапалы өмірдің негізі.

• 07.02.2025
• 33