Өзбекстанның Төтенше және Өкілетті Елшісімен кездестім

Кеше Өзбекстан Республикасының Қазақстандағы Төтенше және Өкілетті Елшісі Бахтиер Ибрагимовпен кездестім. Екіжақты ынтымақтастықтың мүмкіндіктері мен әлеуеті жайлы мәселелерді талқыладық.

Ресми делегацияны қарсы алып Жетісу облысының әлеуметтік-экономикалық дамуының негізгі бағыттары жайлы қысқаша айтып бердім.

Жетісу - аграрлық аймақ. Біз қант қызылшасы, жүгері, бидай, майлы дақылдар, ет, сүт сияқты өзімізде өндірілетін ауыл шаруашылығы өнімдерінің 65%-ын өңдейміз. Облысымыздың өндірістік әлеуеті жақсы. Біз кремний, шойын, қорғасынды-қышқылды аккумулятор батареяларын, темірбетон бұйымдарын, мәрмәр үгінділерін, шифер және басқа да тауарларды экспорттаймыз. Сонымен қатар Жетісу облысы тиімді геостратегиялық және геоэкономикалық жағынан ерекшеленеді. Жетісу - Қытаймен арадағы шекарада 5 кеден бекеті бар республикадағы жалғыз өңір. Батыс Еуропа – Батыс Қытай трансконтинентальды автобаны біздің территория арқылы өтеді. Сондай-ақ біздің аумағымызда «Қорғас – Шығыс қақпасы» арнайы экономикалық аймағы және «Қорғас» шекара маңы ынтымақтастығы халықаралық орталығы орналасқан. Туризм саласында да үлкен әлеуетіміз бар. Яғни Алакөл, Балқаш көлдерінің жағалауы, сол сияқты экологиялық және тау туризмі де белсенді дамып келеді. Жалпы өңірде агроөнеркәсіптік кешенді дамыту, көлік және логистика, туризм, баламалы энергетика және өнеркәсіп - жалпы 5 стратегиялық бағытта инвесторлар тарту жұмыстары жүргізілуде.

Толығырақ облыс әкімдігінің ресми сайтында https://www.gov.kz/memleket/entities/zhetysu-oblysy/press/news/details/941806?lang=kk

• 20.02.2025
• 53