Қордай ауданында өткен жылы атқарылған шаруалар ауқымды.

Қордай ауданында өткен жылы атқарылған шаруалар ауқымды. Оған жергілікті тұрғындар да дән риза. Оған аудан әкімі Рүстем Дәулеттің есеп беру кездесуіне қатысу барысында көз жеткіздім. Есептік жиында Қордай ауданының тұрғындары ел Президентіне өз өңірлерінде орнаған бейбітшілік пен жалпы абаттандыру жұмыстары үшін алғыстарын білдірді. Әсіресе, тіршілігі түбегейлі өзгерген Масанчи ауылы тұрғындарының ризашылығы ерекше. .

Ауданның әлеуметтік-экономикалық дамуының негізгі бағыттарына тоқталған Рүстем Дәулет барлық салада оң динамика байқалғанын атап өтті. Айталық, өнеркәсіптің дамуы 17,8 миллиард теңге, ауыл шаруашылығы 66,2 миллиард, инвестициялар 40,6 миллиард, құрылыс 22,7 миллиард теңге пайда әкелген.

Шағын және орта бизнес бойынша 12200 адам жұмыс істейді. Мемлекеттік бағдарламалар аясында 4634 қордайлыққа, 17 серіктестікке және 62 шаруа қожалығына 5,6 миллиардтан астам теңгеге несие берілген.

Басқосуда Сортөбе мешітінің имамы Губар Фаншаров пен Масанчи ауылының қоғамдық кеңесінің төрағасы Исхар Лоу өткен жылы атқарылған жұмыстарды, аудандағы ахуалды оң бағалалады. Сондай-ақ, өз кезегінде бірқатар тұрғындар көкейдегі сауалдарын жолдап, ұсыныс-пікірлерін ортаға салды.

Кездесуді қорытындылай келе, өнеркәсіп пен ауыл шаруашылығының өсуіне сырттан мамандарды тарту арқылы емес, жергілікті жас кадрларға сүйене отырып, нақты қол жеткізу қажет екенін атап өттім.

Ауданда одан әрі де ілгерілеу үшін бәрі жеткілікті, енді біз жаңа мәселелерді шешуге дайынбыз. Ауыз сумен, электрмен, газбен және жаңа тұрғын үйлермен қамтамасыз ету – 2021 жылға арналған басым бағыттардің негізі. Сондай-ақ, ауыл шаруашылығы, өнеркәсіп және кәсіпкерлік салаларын дамыту жайы да назардан түспеуі тиіс.

• 26.02.2021
• 377