Бүгін инвесторлармен кездесу өткіздім

Кездесу барысында инвестициялық ынтымақтастықтың, соның ішінде агроөнеркәсіптік кешен саласының инвестициялық мүмкіндіктері мен әлеуеті туралы мәселені талқыладық.

Қытайлық серіктестердің қатысуымен өңірде бірқатар жобалар іске асырылып, аграрлық бағыттағы Жетісу облысы үшін ауыл шаруашылығы өнімдерін терең өңдеу бойынша ынтымақтастықты дамуы маңызды.

«Qingdao Wanlin Food Co., Ltd» инвестор компанияның құрылтайшысы әрі бас директоры Ли Янтао өз компаниясының екі бағытта, яғни пияз, сарымсақ, сәбіз, картоп сияқты ауыл шаруашылығы өнімдерін өңдеу және қайталай өңдеумен айналысатынын жеткізді. Бұл ретте пияз өсіру үшін қолайлы табиғи-климаттық жағдайларды ескере отырып, инвестор өңір аумағында осы дақылды өңдеу зауытын салу туралы ұсынысын білдірді.

Перспективалы жобаны іске асыру жолдарын талқылай келе, кәсіпорынды облыс аумағында орналастыру мүмкіндігін қарастыру жайы туралы келістік. Зауытқа керекті шикізатқа келсек, бірінші кезекте жергілікті шаруашылықтармен ынтымақтастық орнатудың маңыздылығын атап өттім.

Толығырақ облыс әкімдігінің ресми сайтында https://www.gov.kz/memleket/entities/zhetysu-oblysy/press/news/details/947513?lang=kk

• 27.02.2025
• 51