- Блогтар
- Байханов А.
Байханов А.
Павлодар облысының әкімі
Oблыс әкімі Асайын Байханов Харбин қаласында өткен IX қысқы Азия ойындарының жүлдегерлерімен кездесті
Өткен қысқы Азия ойындарында Қазақстан құрамасы лайықты өнер көрсетіп, 4 алтын, 9 күміс және 7 қола медальмен жалпы командалық есепте 4 орынға тұрақтады.
Бұл жетістікке біздің павлодарлық спортшылар Роман Иванов пен Дарья Климина да өз үлестерін қосты. Аймақ басшысы жеңімпаздарды жылы лебізімен құттықтады.
- Сіздер - Павлодар облысының және еліміздің мақтанышысыздар. Өскелең ұрпақ пен жастарға үлгісіздер. Сіздердің жеңістеріңіз - еңбек пен табандылықтың, жоғары спорттық дайындықтың нәтижесі, - деп атап өтті Асайын Байханов.
Облыс әкімі жаттықтырушылар Николай Выдрин мен Геннадий Намерековке жеке алғыс айтты.
Аймақ тұрғындары атынан спорттың дамуына қосқан үлестері үшін алғысын білдіріп, мықты денсаулық, жоғары жетістіктер және Италиядағы Олимпиада ойындарында табысты өнер көрсетулеріне тілек білдірді.
Жалпы, ақпан айы халықаралық деңгейдегі жеңістермен қуантты. Қазақстанның арнайы мақсаттағы жасағы Дубайда әлемнің 80 елінен 100-ден астам мықты команда бақ сынаған SWAT Challenge халықаралық жарысында көш бастады.
Бұл жарыстарда Мемлекет басшысы қабылдаған 5512 әскери бөлімінің офицер-лейтенанты Ислам Зайнуллин жеңімпаз болды.
Облыс әкімі өңірде спортқа әрдайым қолдау көрсетілетінін атап өтті. Осы мақсатта биыл спорттық бағыттар мен қызмет тәсілдері өзгертіледі.
Кездесу барысында Асайын Байханов Азия ойындарының жеңімпаздарына алғыс хаттар мен ақшалай сертификаттар табыстады.
Өз кезегінде спортшылар назардан тыс қалдырмай, жан-жақты қолдау көрсеткені үшін алғыстарын айтып, аймақты жаңа жеңістерімен қуантатындарын жеткізді.
- 03.03.2025
- 21