Oблыс әкімі Асайын Байханов инвесторлармен: қытайлық Rezel Catalysts Corporation компаниясымен және «КМХ-Катализаторы» ЖШС-мен кездесті

Кездесу барысында «КМХ-Катализаторы» ЖШС бас директоры Самат Ордабай өңір басшысына катализаторлар мен адсорбенттердің қытайлық жетекші және әлемдік өндірушісі, мұнай өңдеу процестерінің әртүрлі лицензиясы бар және мұнай-химия саласындағы табысты, инновациялық өндіруші компаниялардың бірі Rezel Catalysts Corporation компаниясын таныстырды.

Қытайлық компания 45 тұрақты жұмыс орнын құра отырып, жылына 10000 тонна FCC-катализатор шығаруға 12 млрд теңге өз қаражатын инвестициялауға дайын.

Өңір басшысы Асайын Байханов әлеуетті инвесторларды қолдап, каталитикалық жүйелер есебінен отандық мұнай өңдеу кәсіпорындарында қайта өңдеу маржасының айтарлықтай артатынын атап өтті.

Кездесуде «Rezel Catalysts Corporation» директорлар кеңесінің төрағасы - бас директоры Чжоу Жуншэн Rezel компаниясының озық технологиясын, оның ішінде ауыр металдарға төзімді технологиямен сирек кездесетін элементтері жоғары Ү цеолитін пайдалану туралы айтты. Сондай-ақ, көмір химиясына инновациялық технологияларды енгізуді бірлесіп талқылады.

Кездесу Павлодар облысының әкімдігі, «Павлодар» АЭА басқарушы компаниясы» АҚ, Rezel Catalysts Corporation және «КМХ-Катализаторы» ЖШС арасында инвестициялық жобаны іске асыру туралы меморандумға қол қоюмен аяқталды.

• 03.03.2025
• 20