Oблыс әкімдігінде көктемгі дала жұмыстарына дайындық мәселелері талқыланды

2025 жылғы егіс науқанына дайындық барысы туралы ауыл шаруашылығы басқармасының басшысы Дархан Дощанов баяндады.

Биыл 1 665,6 мың га егіс алқабына тұқым себіледі және бұл өткен жылмен салыстырғанда 101,3 мың гектарға артық. Аталмыш көрсеткіш дәнді, майлы және жемшөп дақылдарының егіс алқаптарын ұлғайту есебінен өсіп отыр.

Егіс алқаптарын дайындау бойынша барлық агротехникалық жұмыстар уақтылы жүргізілді, 179 мың га бу өңделді және 235 мың га жер жыртылды.

Биыл егіс алқаптарының құрылымын әртараптандыру майлы дақылдар алқаптарын 25,9 мың гектарға және қарақұмық дақылдарын 5,3 мың гектарға ұлғайтуға бағытталған.

Сондай-ақ, тұрақты жем-шөп базасын құру жұмыстары жүргізілуде. Осы дақылдарға бөлінген алқаптар 46,5 мың га ұлғайтылып, 292 мың га дейін жеткізіледі.

2025 жылғы егінге 164,5 мың тонна тұқым сақталған - жоспар бойынша 100%.

Негізгі міндеттердің бірі - қолданылатын минералды тыңайтқыштардың көлемін одан әрі арттыру болып табылады. 2025 жылы жоспарланған жөнелту көлемі 122 300 тоннаны құрайды.

Осы көктемгі егіс науқанында тіркеме және аспа құралдары бар барлық модификациялы 3 255 трактор, 1 814 бірлік соқа, 1 046 қопсытқыш, барлық түрдегі 4591 тырма, 3760 дән сепкіш және 261 егіс кешендері жұмылдырылатын болады.

Көктемгі егіс жұмыстарын жүргізуге 27,6 мың тонна арзандатылған дизель отыны бөлінді, бұл өткен жылдан 1,9 мың тоннаға артық. Операторлық қызметтерді ескере отырып, арзандатылған дизель отынының құны тоннасына 291 мың теңгені немесе литріне 244 теңгені құрады, бұл нарықтағы бағадан 51 теңгеге арзан.

Сонымен қатар, жиналыста егіс жұмыстарын қаржылық қамтамасыз ету мәселелері де талқыланды. Өсімдік шаруашылығын қолдауға жалпы сомасы 4,1 млрд теңгеге субсидиялар бөлінді. Ауыл шаруашылығы тауарларын өндірушілерді айналым қаражатымен қамтамасыз ету мақсатында 2025 жылы «Бәйтерек» ҰБХ АҚ құрылымдық бөлімшелерімен несиелеуге 48,6 млрд. теңге қарастырылған. «Кең Дала 2» бағдарламасы бойынша несиелеуге шамамен 13,5 млрд теңге бөлінеді.

«Азық-түлік корпорациясы «ҰК» АҚ арқылы астықты тікелей сатып алу бағдарламасы жұмыс істейді. 2025 жылдың 1 наурызынан бастап астықты форвардтық сатып алу бағдарламасы іске қосылады, оған 1 млрд теңге бөлінді.

Сондай-ақ, жиналысқа қатысушылар ылғал қорының көлемін, егіс алдындағы топырақты өңдеуді, тұқым себу стратегиясы мен тәсілдерін қарастырды.

«Павлодар тәжірибелік ауыл шаруашылығы станциясы» ЖШС облыс аудандары бөлінісінде егіс науқанының 5 мамырдан 3 маусымға дейінгі оңтайлы мерзімін әзірледі.

Облыс әкімі Асайын Байханов көктемгі егіс жұмыстары ауыл шаруашылығы тауарларын өндірушілерді барлық қажеттіліктермен қамтамасыз ететін ұйымдардың үйлестірілген іс-қимылын талап ететін маңызды кезең екенін атап өтті.

- Өсімдік шаруашылығында бәрі өзара байланысты және өзара тәуелді. Кем дегенде бір кезеңді уақтылы және сапасыз орындау азық-түлік қауіпсіздігін қамтамасыз етуге және лайықты өнім алуға тырысатын диқандардың барлық еңбегін зая кетіруі мүмкін. «Қажетті көлемде ресурстармен уақтылы қамтамасыз етуді жолға қою маңызды», — деді өңір басшысы.

Асайын Байханов қалалар мен аудандардың әкімдеріне, ауыл шаруашылығы басқармасына: техника дайындығын және тұқымдарды тексеруді аяқтауды тапсырды. Егіс жұмыстары басталғанға дейін 2025 жылғы көктемгі егіс жұмыстарын жүргізуге арналған жанар-жағармайға ақы төлеуді және алып кетуді уақтылы жүргізу, минералды тыңайтқыштар енгізу жөніндегі Жол картасының орындалуын қамтамасыз ету тапсырылды.

• 03.03.2025
• 38