Облыс әкімі өңірдегі өнеркәсіп кәсіпорындарының қызметкерлеріне Мемлекет басшысының 8 наурыз мерекесіне орай жолдаған құттықтау хаттарын табыстады

Халықаралық әйелдер мерекесі қарсаңында облыс әкімі Президент Қасым-Жомарт Тоқаевтың атынан Павлодар облысының өнеркәсіп кәсіпорындарының еңбек сіңірген қызметкерлеріне атаулы құттықтау хаттарын табыс етті.

Олардың қатарында «ҚЭЗ» АҚ орталық зауыт зертханасының зертханашысы Людмила Волкова, Павлодар сервис және тамақтану колледжінің шебері Альмира Садриденова, «ПМХЗ» ЖШС химиялық талдау зертханашысы Тулкин Ержигитова болды.

- Мен сіздерді 8 наурыз мерекесі қарсаңында Мемлекет басшысының атынан құттықтағаныма қуаныштымын. Сіздер аяулы ана, сүйікті жар бола отырып, жұмыстарыңызды үлкен жауапкершілікпен орындап келесіздер. «Еліміздің дамуына қосқан үлестеріңіз бен адал еңбектеріңіз үшін шын жүректен алғысымды айтамын», - деді облыс әкімі.

Салтанатты жағдайда әйелдер қауымына Мемлекет басшысының тілегі жазылып, қолы қойылған құттықтау хаттары, сондай-ақ, гүлдер мен сыйлықтар табыс етілді.

• 11.03.2025
• 36