Oблыс әкімдігінде автокөлік жолдарын жөндеу және Наурыз мейрамын мерекелеу мәселелері қаралды

Жолаушылар көлігі және автомобиль жолдары басқармасының басшысы Қанат Кашкиров биыл әртүрлі деңгейдегі бюджет қаражаты есебінен 25,4 млрд теңгеге 409 км жергілікті автокөлік жолдары мен елді мекендердің көшелерін қайта жаңарту бойынша 106 жоба іске асырылып жатқанын баяндады.

Сондай-ақ, 77 км облыстық жолдарды жөндеу, шалғай ауылдарды жалғайтын 42 км аудандық автожолдарды қайта жаңарту және 32 кірме жолды жөндеу жоспарланған.

«Ауыл - ел бесігі» жобасы және бонустық трансферттер аясында 30 ауыл көшесі жаңартылады. Қалалар мен аудандардың өз қаражаттары есебінен 7,9 млрд теңгеге 30 жобаны іске асыру жоспарлануда.

Сонымен қатар, 1 сәуірден 1 қарашаға дейін Павлодар қаласы әуежайының ұшу-қону жолағын кеңейту және қайта жаңарту жұмыстары жүргізіледі. Осыған байланысты барлық әуе бағыттары тоқтатылды.

Асайын Байханов құрылыс маусымының қысқа болатынына байланысты автожолдарды жөндеу мерзімдерінің сақталуына баса назар аударды.

- Барлық жобаларды жинақтап, тізімін қалыптастыруды, оны ахуалдық орталыққа енгізіп, сәуір айынан бастап апта сайын мониторинг жүргізуді бастауды тапсырамын. Барлық әкімдер депутаттармен бірлесіп жолдарды асфальттау сапасын бақылауға алуы қажет, - деп талап етті өңір басшысы.

Салалық басқармаға, әкімдерге, «ҚазАвтоЖол «ҰК» АҚ филиалына жұмыстардың уақтылы орындалуын қамтамасыз ету, анықталған ақауларды қысқа мерзімде жою және жойылған ақаулардың сапасын қайта тексеру тапсырылды.

14 наурызда Наурызнамның жалпыұлттық онкүндігі басталып, оның әр күні қоғам өмірінің жеке аспектісіне арналатын болады. Бұл - жаңарудың жеке қарым-қатынастардан бастап қоғамдық құндылықтарға дейінгі барлық салаларды қамтуы керек екенін көрсетеді.

Тарихи тұрғыдан алғанда, қазақ мәдениетінде Наурызды тойлау дәстүрі ешқашан бір күнмен шектелмеген. Кемі 10 күнге созылатын Ұлы дала мерекесі туралы Абай, Мәшһүр Жүсіп және т. б. жазды.

Біздің өңірде мерекелік онкүндікте түрлі форматтағы 2000-нан астам іс-шара өткізу жоспарланған. 13 наурызда Жаяу Мұсаның 190 жылдығына орай поэтикалық мереке өтеді. 7-18 наурызда «Астана Балет» Естай атындағы мәдениет сарайында «Кармен – Сюита» балетін ұсынады. Естая. Ал 19 наурыз күні мұнда Мария Мудряктың концерті өтеді.

Облыстың аудандары мен қалаларында 170 киіз үй орнатылады, оның 31-і облыс орталығында, соның ішінде 10 киіз үй көрме ретінде болады.

• 13.03.2025
• 27