Oблыс әкімі Асайын Байханов Мемлекет басшысы ұсынған «Әкімдер мектебі» жобасы аясында ауылдық округ әкімдеріне дәріс өткізді

Өңір басшысы жобаның мақсаты тек дәріс оқу ғана емес екенін атап өтті. Оқытудың маңызды бөлігі ауылдық округтердің экономикалық даму бағдарламасын әзірлеу, қызметі жұмыс күнімен шектелмейтін ауыл әкімдерін толғандырған мәселелерді талқылау болады.

- Бұл ауылдастарыңыздың көз алдында күрделі әрі көпвекторлы қызмет. Сіздер инвестиция тартудан бастап, сеніп тапсырылған халықтың тыныс-тіршілігін қамтамасыз етуге дейін барлығына жауаптысыздар. Бұл ретте тиімді басқарушылық шешімдер қабылдау, ашық диалог дағдылары өте маңызды, - деп атап өтті облыс әкімі.

Асайын Байханов азаматтардың өзекті мәселелерін шешу және инвестиция тарту - бұл ауыл әкімдерінің басты міндеті деп атады және әкімдердің тиімділігінің негізгі көрсеткіші болып табылады.

Бірінші кезекте Асайын Байханов округ басшыларының назарын мемлекеттік қолдау шараларын пайдалану кезінде күрделі бюджеттік процестерді және қаржылық тәртіпті басқаруға аударды.

Бүгінде Павлодар облысында 355 ауылдық елді мекен 126 дербес ауылдық бюджетке біріктірілген.

Жергілікті өзін-өзі басқару бюджетінің көлемі биыл шамамен 20 млрд теңгені құрайды.

Бұл ретте ауылдық бюджеттің қамтамасыз етілуі - 9% және 90%-ға дейін аудандық және облыстық бюджеттерден субвенциямен, трансферттермен өтеледі.

Облыстық бюджеттен ауылдарды қаржылай қолдау - 17,2 млрд теңге. «Бонустық трансферт» аясында 67 ауылда 96 жобаны іске асыруға 5,5 млрд теңгеден астам қаражат бөлінді.

Биыл Павлодар, Екібастұз және Ақсу қалаларының ауылдық аймақтарында, сондай-ақ, облыстың 7 ауданында 26 инвестициялық жоба жоспарланған.

Сонымен қатар, кездесу барысында ауыл тұрғындарын толғандыратын өзекті мәселелер талқыланды - бұл жолдар, сумен жабдықтау, ұялы байланыс және т. б.

Елді мекендердің барлық кірме жолдарын асфальттау міндеті қойылды. 2025 жылдың соңына дейін 6 су құбырының құрылысы аяқталады. Осылайша, ауыл тұрғындарының таза ауыз суға қол жетімділігі 100% жетеді.

2025 жылы Ертіс, Аққулы, Павлодар, Шарбақты аудандарында 8 антеналық құрылым және тағы 14 ауылда «KazSat» спутниктік интернет орнатылады.

- Біз тұрғындарымыздың әл-ауқатын жақсарту үшін бірлесіп жұмыс атқаруымыз керек. Ауыл тұрғындарына ауыл мәселесін сөзбен емес, іспен шешетін әкімдер керек. Тұрғындар сіздерге сенім білдірді және мұны ақтау керек, - деді облыс әкімі.

Президент жанындағы мемлекеттік басқару академиясының филиалында ауыл әкімдері, оның ішінде тікелей сайлау арқылы сайланған әкімдер біліктілігін арттыруда, олардың бір бөлігі бұрын мемлекеттік қызметте жұмыс істемеген.

Олардың барлығы басқару дағдыларын арттыру, стратегиялық жоспарлау, әлеуметтік және экономикалық міндеттерді іске асыру үшін жобаларды әзірлеу бойынша кешенді дайындықтан өтеді.

• 17.03.2025
• 19