Павлодарға шыбын-шіркейге қарсы қолданылатын препараттың бірінші партиясы келді

 Өңірге 20 мың кг көлемінде «Бактицид» биопрепаратының бірінші партиясы жеткізілді. 2 сәуірде облыс орталығына осы препараттың тағы 20 мың кг жеткізу жоспарлануда. Қалған 142 мың кг препарат сәуір айының бірінші онкүндігінде жеткізіледі.

Биыл әуеден өңделетін аумақтың жалпы көлемі 127 мың гектардан 172 мың га дейін ұлғайды, бұл өткен жылмен салыстырғанда 45 мың га артық. Қосымша Ақсу қаласының ауылдық аймағының солтүстік-батыс бөлігінен 15 мың га және Ертіс ауданының жайылма алқабынан 30 мың га қосылды.

Өңделетін аумақтың ұлғаюы препараттардың да көлемін ұлғайтуды талап етті. Биыл шыбын-шіркейге қарсы күреске 182 мың кг биологиялық препарат қолдану жоспарланған.

Химиялық препараттардың да көлемі өсті. 14,5 мың литр пайдалану жоспарлануда. Оның ішінде 9,2 мың литр - әуеден өңдеуге, 5,3 мың литр - тосқауылды өңдеуге жұмсалады.

Химиялық препараттар сәуірдің екінші онкүндігінде жеткізіледі деп жоспарлануда.

• 04.04.2025
• 36