Жылыту маусымының аяқталуына 10 күн қалды

Облыс әкімдігінде жылыту маусымының қорытындысы шығарылып, алдағы жазғы кезеңге жоспарланған жөндеу жұмыстары талқыланды.

2024-2025 жылдардағы жылыту маусымы штаттық режимде өтті. Апаттық жағдайлар орын алған жоқ.

 - Қыс өткен екі жылдағыдай қатты аязды болған жоқ және ауа-райының да күрт өзгеруі орын алған жоқ. Және қалалардың да жақсы дайындалғанын атап өткен жөн. Жылу көздерін жаңғырту және желілерді жаңартудың арқасында жылыту маусымы тұтастай алғанда тұрақты өтуде. Халықтың шағымдарының саны 55%-ға азайды. Дегенмен, жылу көздері бойынша сұрақтар әлі де бар. Жаңа жылыту маусымына сапалы дайындалу үшін атқаратын көптеген жұмыстар күтіп тұр, - деп атап өтті облыс әкімі.

Өңір басшысы 1-ЖЭО-дағы апаттық тоқтаулардың өсу динамикасына және Ақсудың РОК-2 жылу көзіндегі негізгі жабдықтардың тоқтауына байланысты параметрлердің төмендеуіне назар аударды, бұл өз кезегінде тұрғын үйлерге жылудың жетіспеушілігіне әкелді.

Жиналыста «ЕЭК» АҚ директоры, ЖЭО-1, РОК-2 және Ақсу МАЭС «Энергетика» дивизионының бас операциялық директоры Дүйсен Мерғалиев негізгі себеп ЖЭО-1  №1, 5 және №6 қазандықтарының апаттық жөндеуге жиі шығуынан болғанын хабарлады. Осындай жағдайлардың қайталануын болдырмау үшін биыл ЖЭО-1 станциясының жөндеу жұмыстарына 13 млрд теңге бөлінді. Сондай-ақ, негізгі қазандықтарды жөндеуден басқа, РОК-2 қосымша 1,5 млрд теңгеге қосалқы жабдыққа жөндеу жүргізеді.

Энергетика және тұрғын үй-коммуналдық шаруашылық басқармасының басшысы Ержан Иманзаиповтың ақпараты бойынша өңір тұрғындарын сапалы жылумен қамтамасыз ету үшін, сондай-ақ, алдағы жылыту маусымында жылу желілеріндегі гидравликалық және температуралық режимдерді жақсарту үшін 16,1 млрд теңгеге 31 шақырымнан астам желіні жаңарту жоспарлануда. Павлодарда № 5 сорғы станциясын салу, 5 км магистральдық жылу желілеріне, 10,6 км квартал ішіндегі желілерге күрделі жөндеу жүргізу көзделген. Екібастұзда ЖМ-2 және ЖМ-7 қайта жаңартылады және жылу желілері күрделі жөндеуден өтеді. Ақсу қаласының № 3, 5, 8 шағын аудандарының квартал ішіндегі жылу желілері қайта жаңартылып, жылу желілеріне күрделі жөндеу жүргізіледі.

Облыстың энергия көздерінде 46 негізгі жабдықты жөндеу, 394 дербес және орталықтандырылған қазандықтарды жөндеу жұмыстары жоспарланған.

Сонымен қатар, Асайын Байханов жабдықтардың істен шығуын болдырмау үшін биыл қазандықтарын ауыстыру немесе жаңарту жоспарланып отырған ауылдық жерлердегі қазандықтарды жылыту маусымы басталғанға дейін техникалық іске қосуды тапсырды.

Электрмен жабдықтау желілеріндегі апаттардың 2,5 есеге төмендегені тіркелді. Сондай-ақ, облыс бойынша барлық апаттық жағдайлардың 30%-ы Баянауыл ауданында орын алды.

Облыстың электр желілерін жаңғырту жөніндегі Жол картасы аясында 8 жобаны іске асыру көзделген, оның ішінде 3 жоба бойынша Баянауыл ауданының әкімдігі жобалық құжаттаманы әзірлеу жұмыстарын аяқтады және ауданның 22 км электр желілерін жөндеуге бюджет қаражатын бөлу үшін бюджеттік өтінім берді.

Сонымен қатар, жөндеу науқаны аясында электр желілерінде 2,1 мың км электр қуатын тасымалдайтын желілер мен 712 бірлік жабдықты жөндеу жоспарланған.

Сумен жабдықтау және су бұру желілерінде биыл Павлодар, Екібастұз, Ақсу қалаларында 18 км желіні күрделі жөндеу және қайта жаңарту жоспарланған.

Асайын Байханов коммуналдық мақсаттағы нысандарды қайта жаңарту мен жөндеуден кейін бұзылған жерлерді уақтылы қалпына келтірмегені үшін жауапкершілік қарастырылатынын еске салды.

«Павлодар жылу желілері» ЖШС бас директоры Марат Иманаев желілерде гидравликалық сынақтар жүргізу жоспарларын баяндады.

Павлодарда ең жоғары температуралық сынақтар 15 сәуірден, беріктікке сынау 24 сәуірден басталады. Екібастұзда температуралық сынақтар 15 сәуірден, гидравликалық сынақтар 17 сәуірден жоспарланған. Ақсуда температуралық сынақтар - 16 сәуірден бастап, гидравликалық сынақтар - 21 сәуірден бастап жүргізіледі. Жылыту маусымы алдындағы сынақтар 28 шілдеден 6 тамыз аралығында жоспарланған.

Өңір басшысы сынақ мерзімдерін түзетіп, оларды мамыр айының мерекелеріне дейін аяқтауды, тұрғындардың ыстық сусыз болатын мерзімін барынша қысқартуды тапсырды. Сондай-ақ, халық үшін тәуекелдерді болдырмау үшін сынақтардың өтуін бақылауға алуды, халыққа жөндеу жұмыстарының кестелерін алдын ала хабарлауды тапсырды.

Қалалар мен аудандардың әкімдеріне қазандықтарға, жылумен, сумен жабдықтау және су бұру желілеріне күрделі жөндеу жүргізу, әлеуметтік нысандар үшін көмір сатып алу және жеткізу, сондай-ақ, барлық нысандарды 1 қыркүйекке дейін дайындауды қамтамасыз ету, сондай-ақ, гидравликалық сынақтардың уақтылы жүргізілуін қамтамасыз ету және анықталған зақымдарды жою тапсырылды.

• 07.04.2025
• 39