Қарасу ауданында Төтенше жағдайлар вице-министрі Рамиль Фаткулович Камаловпен бірге су тасқынына байланысты негізгі нысандарды аралап шықтық.

Қарасу ауданында Төтенше жағдайлар вице-министрі Рамиль Фаткулович Камаловпен бірге су тасқынына байланысты негізгі нысандарды аралап шықтық. Қабылданып жатқан шараларды және су басу қаупінің алдын алу бойынша алдағы қадамдарды талқыладық.

🔹 Ұбаған және Құндызды өзендерінің арнасын кеңейту және тереңдету жұмыстары жүргізілуде. Бұл су тасқынын болдырмауға және судың қауіпсіз ағуын қамтамасыз етуге мүмкіндік береді. Бүгінде 12 км учаске тазартылды, жұмыстар тәулік бойы жалғасуда.

🔹 Су бұру арнасы жасалды, ол Алабота көліндегі суды қауіпсіз ағызуды қамтамасыз етеді. Оның жағдайы тәулік бойы бақылануда. Бүгінгі күнге дейін 775,5 млн м³ су шығарылды.

🔹 «Қарасу – Үлкен Чураков» автожолын қалпына келтіру. Су деңгейі төмендегеннен кейін жол жөнделіп, қосымша 12 су өткізу құбыры салынды. Бұл жолдың жүктемеге төтеп беруіне мүмкіндік береді.

🔹 Қарамырза ауылы – жаңа су бұру арнасын салу туралы шешім қабылданды. Ұзындығы кемінде 3 км болатын бұл канал шұғыл түрде салынады.

Су тасқынына қарсы шаралар менің жеке бақылауымда. Жұмыстар тоқтаусыз жүргізілуде, адамдардың қауіпсіздігі – басты міндет!

• 15.04.2025
• 23