Қазақтың танымал ақыны, «Парасат» және «Құрмет» ордендерінің иегері, Қазақстан Республикасының Мемлекеттік сыйлығының лауреаты Күләш Ахметовамен кездестім.

 Қазақтың танымал ақыны, «Парасат» және «Құрмет» ордендерінің иегері, Қазақстан Республикасының Мемлекеттік сыйлығының лауреаты Күләш Ахметовамен кездестім. Қаламгер биыл 75 жасқа толады десек, мерейтойға орай облыста бірқатар мерекелік іс-шаралар жоспарланған.
⠀
Бүгін Күләш Ділдәқызының 5 томдық шығармалар жинағының тұсаукесері өтті. Ақын өз шығармашылығында әрдайым патриоттық тәрбиеге, туған жерге деген сүйіспеншілікке ерекше назар аударып келеді. Ол Кеңестік кезінде Қазақстан Жастар одағы сыйлығының лауреаты атану құрметіне ие болған санаулы әдебиетшілердің бірі.
⠀
Оның өлеңдері мен поэмалары – жоғары таланттың символы, ал оның өмір жолы – жас ұрпаққа өнеге. Біз ақынның өз туындыларымен қуантып жүре беруін тілейміз. Көп ұзамай Күләш Ділдәқызы Отан тақырыбындағы тағы бір кітабын шығаруды жоспарлап отыр. Ол жыр сүйер қауымның жүрек төрінен орын аларына кәміл сенімдімін.

• 04.03.2021
• 240