Мемлекет басшысының тапсырмасы бойынша Қостанай облысында машина жасау саласындағы ең ірі инвестициялық жоба — KIA автозауытын салу жүзеге асырылып жатыр.

Мемлекет басшысының тапсырмасы бойынша Қостанай облысында машина жасау саласындағы ең ірі инвестициялық жоба — KIA автозауытын салу жүзеге асырылып жатыр. 🇰🇿🚘

Бүгін KIA Corporation Korea Вице-президенті / Өндірістік технологиялар орталығының директоры Со До Гён, KIA Ресей және ТМД Президенті Им Чжэ У, сондай-ақ «KIA Qazaqstan» ЖШС Бас директоры Ким Дэ Ки мырзамен бірге болашақ зауыттың құрылыс алаңын араладық.

💵 Инвестиция көлемі — $200 млн
🏭 Өндірістік корпус аумағы — 100 000 м²
👷‍♂️ 1 500 жаңа жұмыс орны ашылады
🚘 Жобалық қуаты — жылына 70 000 автокөлік

Бұл — Оңтүстік Кореядан тыс жерде салынып жатқан алғашқы KIA зауыты. Өндіріс толықтай жоғары технологиялы болады — 68 өнеркәсіптік робот автоматтандыру мен сапаның жоғары деңгейін қамтамасыз етеді.

📆 Пилоттық өндіріс — шілде айында, сериялық өндіріс — 2025 жылдың қазан айында басталады.

🧑‍🏭 Басты ресурс — адам капиталы.
Өңір колледждері мен ЖОО-ларында машина жасау саласы бойынша 5 негізгі бағытта жаңа мамандықтар ашылуда. Оқу базасы жаңартылып, студенттер нақты жабдықтармен тәжірибеден өтуде.

🔧 Сондай-ақ, отандық конвейерлерге, соның ішінде KIA зауытына арналған автокомпоненттерді шығаратын «TEHNOPARK KZ» ЖШС Локализациялық орталығының құрылысы жүргізілуде.

Қостанай облысы еліміздің машина жасау жүрегіне айналуда.

• 15.04.2025
• 35