Биыл Талдықорғандағы «Ұлан» шағын ауданының аулалары толық абаттандырылады

Облыс орталығы Талдықорған қаласындағы «Ұлан» шағын ауданының 1990 жылдардан бері жөндеу көрмеген аулаларын абаттандыру жұмыстары биыл толық аяқталады.

Кеше қаланың «Ұлан» шағын ауданына аулаларды абаттандыру жұмыстарының барысымен таныстым. Аталған шағын ауданда жалпы саны 14 аула болса, соның 5-еуі өткен жылы жаңғыртылған, ал қалған 9-ы биыл жаңа кейіпке енбек. Осы 9 аулада «Фирма Мега-Сервис» мердігер компаниясы жұмыс істеуде.  

Өткен жылы қаланың тозығы жеткен аулаларын абаттандыру туралы шешім қабылдап, осы іске кіріскен едік. Соның ішінде үнемі назардан тыс қалып келе жатқан аудандардың бірі ретінде осы «Ұлан» шағын ауданының 5 ауласын абаттандырдық. Биыл қалған 9 ауланы көркейту жұмыстарын толықтай аяқтауды тапсырғанмын. Былтыр құрылыс жұмыстарын мерзімінде, сапалы атқарып, жақсы баға алдыңыздар. Биыл да осындай қарқында жұмыс істеп, халықтың алғысын аласыздар деп сенемін. Жобаны уақытынан бұрын маусым-шілде айларында бітіреміз деп отырсыздар. Біз үшін ең бастысы - уақытылы атқарылған сапалы жұмыс.

Толығырақ облыс әкімдігінің ресми сайтында https://www.gov.kz/memleket/entities/zhetysu-oblysy/press/news/details/982447?lang=kk 

• 24.04.2025
• 34