Қазақ спортшыларының өткен аптадағы жарқын жеңісі

Дзюдо: Елордада өткен Qazaqstan Barysy Grand Slam турнирінде отандық спортшылар 3 күміс және 6 қола жүлде жеңіп алды.

Байдарка мен каноэде ескек есу: Қытайдың Наньчан қаласында өткен Азия чемпионатында жерлестеріміз 4 алтын, 4 күміс және 4 қола медаль жеңіп алды. Нәтижесінде, жалпыкомандалық есепте Ұлттық құрама екінші орынға тұрақтады.

Велоспорт: Қазақстан құрамасы тректегі велоспорттан Өзбекстанда мәресіне жеткен Silk Way Namangan халықаралық турнирінде 3 алтын, 1 күміс және 1 қола медаль иеленді.

Ауыр атлетика: Перу астанасы Лимада өткен жасөспірімдер мен жастар арасындағы әлем чемпионатында Қазақстан құрамасы 5 медаль жеңіп алды – 2 алтын, 3 қола.

Спорттық гимнастика: Болгарияның Варна қаласындағын Challenge Cup турнирінде өнер көрсеткен Зейнолла Ыдрысов тұтқалы ат снарядындағы жаттығуда күміс жүлдегер атанды. Отандасымыз 14.233 ұпай жинады.

Нысана көздеу: Чехияда өткен 53rd GP of Liberation Pilsen 2025 халықаралық турнирінде 10 метр қашықтықтан жылжымалы нысана көздеуден ерлер арасында Асадбек Назиркульев топ жарса, әйелдер арасында бақ сынаған Фатима Ирназарова қола медаль иеленді.

Семсерлесу: Ұлттық құрама көшбасшыларының бірі Руслан Құрбанов Боготадағы (Колумбия) Гран-при жарысында күміс жүлдегер атанды.

• 12.05.2025
• 9