Халықаралық әйелдер күнімен құттықтау

Қымбатты нәзік жандылар! Сіздерді  Халықаралық әйелдер күнімен құттықтаймын!Бүгінгі бар тіршілік, жарық дүние, бақытты өмір әйел-ананың аяулы алақанында екені айдан анық.  Олар — ана, олар – жар, олар — қыз, олар — келін, олар – әріптес. Азамат баласына тән қасиетті, сүйіспеншілік пен іңкәрлік, сұлулық пен махаббат, қайырымдылық пен ақылдылықтың бар болмысын шынайы рухта бір бойына сіңіре білген ақ пейілді, дархан жүректі нәзік жандарға дүниедегі бар жақсылық атаулыны тілеймін!

«Әйел – бір қолымен бесікті тербетсе, екінші қолымен әлемді тербетеді» деген жақсы сөз бар. Мұның астарында әйел адамның кез келген ауқымды істерге араласа алатынын, үлкен нәтижелерге қол жеткізе алатынын аңғартатын мағына жатыр. Отбасыда да, жұмыста да үлгерген нәзік жандылардың біздің саладағы жетістіктерде де үлесі бар екені ақиқат.Сіздер сенімді әріптес, жауапкершілігі мол жетекші болып, әр іске сауатты әрі шығармашылықпен қарайсыздар. ҚР ИИДМ Автомобиль жолдары комитетінде 31 нәзік жанды жұмыс істейді. Қайраттары ерлерден кем түспейтін ондаған жолшы әйел еліміздің тас  жолдарында кедергісіз және үздіксіз қозғалысты қамтамасыз етіп, адамдарды қар құрсауынан шығаруда. Ауыр, күрделі жол техникасының құлағында ойнап, «Қазақавтожол» ЖШС мен «ҚазАвтоЖол» компаниясының филиалдарын жоғары біліктілікпен басқарып келеді.

Сіздерге шынайы көңілден зор денсаулық, баянды бақыт, отбасыларыңызға береке-бірлік, еңбектеріңізге табыс тілеймін!

• 08.03.2021
• 374