Құрметті балалар, ата-аналар және барша бала жанашырлары!

Сіздерді 1 маусым – Халықаралық балаларды қорғау күнімен құттықтаймын!

Бұл күні – ең қымбат қазынамыз – балаларға деген шексіз сүйіспеншілік пен қамқорлықтың, болашаққа деген сенімнің жарқын көрінісі.

Балалар – біздің бүгініміздің шаттығы, ертеңіміздің үміті мен сенімі. Әр баланың бақытты балалық шағы, күлкісі мен жарқын арманы – еліміздің кемел болашағының кепілі.

Бала – таза ниеттің, мейірім мен махаббаттың символы. Олардың амандығы мен бақытты өмірі – бүкіл қоғамның, әрбір ата-ананың басты міндеті. Сондықтан да олардың құқықтарын қорғап, жан-жақты дамуына жағдай жасау – біздің ортақ борышымыз.

Осы айтулы мерекеде барлық бүлдіршінге шат күлкі, қуаныш пен зор денсаулық тілеймін!

Әр шаңырақта сәбидің сыңғырлаған үні естіле берсін!

• 02.06.2025
• 21