құттықтау

Құрметті Павлодар облысының нәзік жанды тұрғындары!

Сіздерді 8 Наурыз мерекесімен шын жүректен құттықтаймын! Осы мереке мен жаңа көктем жылулық пен жақсы жаңалықтар әкелсін!
⠀ 
Сіздер, біздің өңірдің әйелдер қауымы, статистика бойынша ерлерге қарағанда 40 мыңға көбірексіздер. Үнемі аймақ азаматтарымен қатар, түрлі бағыттар бойынша облыстың дамуына, тіпті олардан әлдеқайда артық әрі белсенді үлес қосып жүрсіздер. Бірі өз кәсібін ашып, бірі ауыр өндіріс орындарында жұмыс істесе, енді бірі мемлекетке қызмет етіп жатыр. Сондай-ақ, ауыл шаруашылығы, медицина және білім сияқты басқа да салалардың дамуына ат салысып жүрген аналар мен қыздар баршылық. Сіздер жасаған еңбектің көп қырлығын айтып тауысу мүмкін емес. Әр нәзік жандының тағдыры әртүрлі болғанымен, сіздердің барлықтарыңызға тән бір асыл қасиет бар, ол — бойларыңыздағы өмірді жақсартып, әлемді әдемі етуге деген құштарлық. Бұл — тек сіздердің қолдарыңыздан ғана келеді.
⠀ 
Сіздерге және жақындарыңызға зор денсаулық, өркендеп, жаңа белестерді бағындыруға сарқылмас күш-қуат тілеймін!

Ізгі ниетпен,
Павлодар облысының әкімі Ә. Сқақов

• 09.03.2021
• 234