«Сауран» күн электр станциясының жобасына қатысты электр энергиясын сатып алу-сату шартына қол қойылды

Астанада «Орталық Азия – Қытай» саммиті аясында ұйымдастырылған Power Central Asia + China бірінші өңірлік энергетикалық форумы жұмысын бастады.

Форум аясында «Жаңартылатын энергия көздерін қолдау жөніндегі қаржы-есеп айырысу орталығы» ЖШС мен China Energy Overseas Investment Co., Ltd. арасында Түркістан облысында энергия жинақтаудың аккумуляторлық жүйесімен «Сауран» күн электр станциясының жобасына қатысты электр энергиясын сатып алу-сату шартына қол қойылды. China Energy-мен бірлескен жоба Түркістан облысында «Сауран» күн электр станциясын іске қосуды көздейді.

Сондай-ақ, форум аясында Қаржы-есеп айырысу орталығының бас директоры Гүлжан Нәлібаева Энергетика министрі Ерлан Ақкенженов бастаған Қазақстан мен Қытайдың энергетикалық ынтымақтастығы мәселелері бойынша Қытайдың «POWERCHINA», «China Southern Power Grid», «China Energy Overseas Investment Co., Ltd.» компанияларының басшылығымен екіжақты кездесулерге қатысты.

• 16.06.2025
• 28