Ардақты аналар, аяулы арулар!

Ардақты аналар, аяулы арулар!

Сіздерді көктемнің көрікті мерекесі 8 Наурыз – Халықаралық әйелдер күнімен шын жүректен құттықтаймын!

Қай қоғамда болсын әйелдер қауымының алар орны айрықша. Өйткені жер бетіндегі жақсылық, ізгілік пен ұлылық атаулының бәрі де әйел-ананың ақ сүті мен ақ ниетінен тарайды.

Өйткені, Ана – бейбіт тірлік пен бірліктің, жарқын болашаққа деген сенімнің, ізгілік пен мейірімділіктің ұйытқысы. Жарқын істердің бастаушысы, ырыс пен ынтымақтың алтын діңгегі. 

Сіздердің бойларыңызда нәзіктік пен сұлулық, ақыл мен парасат, төзімділік сияқты қасиеттер үндесе үйлесіп жатады. 

Еліміздің өркендеуі мен облысымыздың әлеуметтік-экономикалық дамуында нәзік жандардың еселі еңбегі мен қажырлы қайратының қарымды үлесі жатыр. Әсіресе, рухани салада қол жеткен табыстарымызға әйелдер ерекше үлес қосып келеді.

Қымбатты аналар, қыз-келіншектер!
Баршаңызды көктем мерекесімен тағы да құттықтай келе, Сіздерге зор денсаулық, мол бақыт тілеймін. Ана қуанышы, әйел қуанышы – үйдің, отбасының, Отанның мерейі. Әрдайым шат-шадыман күйде кешіп, бақ-берекелеріңіз арта берсін!

• 10.03.2021
• 340