«OCEANMAN Kazakhstan – 2025»

   ПРЕСС-РЕЛИЗ.

2025 жылдың 5-6 шілде аралығында Қапшағай су қоймасында ашық суда жүзуден Орталық Азиядағы ең ірі халықаралық «OCEANMAN Kazakhstan – 2025» жарысы өтеді.

Салтанатты ашылуы: 5 шілде, сағат 6.30-да

Жарыстың басталуы: 5 шілде, сағат 7.00-де.

Ашық жүзуден жарыс «Heaven Club» демалыс базасында өтеді.

 Халықаралық «OCEANMAN» жарысы біздің елде осымен төртінші рет ұйымдастырылып отыр. Бұл жолы байқауға 18 елден 2050 адам қатысады, соның ішінде алыс шетелдерден – Үндістан, БАӘ, Франция, Кувейт, Италия, Латвия, Ұлыбритания, Испания, Малайзия, Германия, Венгриядан  қатысушылар бақ сынайды.

Жүзу бес қашықтықта өтеді:

OCEANMAN 10 км – 300 қатысушы (5 шілдеде, сағат 7:00-де)

HALF OCEANMAN 5 км – 400 қатысушы (5 шілдеде, сағат 8:00-де)

SPRINT 2 км – 800 қатысушы (6 шілдеде, сағат 7:00-де)

OCEANKIDS 500 метр – 500 қатысушы (6 шілдеде, сағат 10:00-де)

OCEANTEAM эстафетасы 3х500 метр – 90 қатысушы (6 шілде, сағат 11:15-те)

  Биылғы жылдың маңызды ерекшелігі - INSPIRATION санатындағы 15 баланың жүзуге қатысуы. Бұған дейін осы санаттағы жүзушілер қатары көп болған, бірақ бұл жолы ерекше қажеттіліктері бар жас қатысушылардың әрқайсысының қамқоршысы бар. Оған қаржылай көмек көрсеткен – еліміздің әр өңірінен келген қазақстандықтар.

Жарыстың мақсаты: Орталық Азия аймағында және Қазақстанда салауатты өмір салтын және су спортын насихаттау, жүзушілердің кәсіби деңгейін арттыру, жүзушілер арасындағы халықаралық және аймақтық байланысты нығайту, жаттықтырушылар арасында тәжірибе алмасу, «OCEANMAN - 2025» финалдық жүзу жарысына қатысу үшін үздіктерді іріктеу.

  Жеңімпаздар мен жүлдегерлерді марапаттау әр жарыс күні 5 және 6 шілдеде өткізіледі.

Шараны Алматы облысы әкімдігі, сондай-ақ бас демеуші – «Sport Qory» спортты қолдау қоры ұйымдастырды.

Байланыс телефоны: +77759215177 (Мөлдир, жоба менеджері).

• 03.07.2025
• 30