Мемлекеттер арасындағы мәдени байланыс жалғасын таба береді

Қазақстан Республикасының Мәдениет және спорт министрі Ақтоты Райымқұлова, Қырғыз Республикасының Мәдениет, ақпарат, спорт және жастар саясаты министрі Қайрат Иманалиев пен Өзбекстан Республикасы Мәдениет министрінің орынбасары Алимжан Мирзаев Бішкекте бірқатар мәдени орындарды аралады.

ҚР Мәдениет және спорт министрі Ақтоты Райымқұлова Қырғыз Ұлттық кітапханасындағы Абай орталығында болып, Қайрат Иманалиевпен екі жақты кездесу өткізді.

Осыдан кейін Ақтоты Райымқұлова, Қайрат Иманалиев, Алимжан Мирзаев біртуар жазушы Шыңғыс Айтматовтың музей-үйіне барып, қаламгердің отбасына жолықты. Сондай-ақ олар «Ата-Бейит» мемориалды кешеніндегі ұлы жазушының ескерткішіне гүл шоғын қойды.

Сонымен қатар А.Райымқұлова «Супара» этно-кешеніндегі ашылуға дайындалып жатқан музей ғимаратымен де танысты.

• 11.03.2021
• 219