Алма Қаратайқызы Жүкенова зейнеткерлік демалысқа шықты

АО «KOREM» ұжымы ел мен қоғам игілігі жолында адал еңбек етіп, мол тәжірибе жинаған білікті маман, кәсіби сарапшы Алма Қаратайқызы Жүкенованы зейнеткерлік демалысқа шығуымен шын жүректен құттықтайды.

Алма Қаратайқызы 1964 жылғы 5 шілдеде Павлодар облысы, Ақсу ауданы, К.Камзин атындағы ауылда дүниеге келген. 1981 жылы сол ауылдағы орта мектепті тәмамдаған. 1981–1987 жылдар аралығында Алматы қаласындағы Қазақ мемлекеттік университетінде «Химия» мамандығы бойынша білім алған. Еңбек жолын Павлодар облысы, Ақсу ауданы, Алғабас орта мектебінде химия пәнінің мұғалімі болып бастады.

Павлодар химия зауытында, ішкі істер органдарында криминалист-сарапшы ретінде қызмет атқарды. Мемлекеттік органдарда – Әділет, Ауыл шаруашылығы, Индустрия және сауда, Құрылыс және ТКШ, Өңірлік даму министрліктерінде түрлі жауапты лауазымдарда жұмыс істеді.

2014–2024 жылдар аралығында ҚР Қоршаған ортаны қорғау және су ресурстары министрлігі мен ҚР Энергетика министрлігінің Жаңартылатын энергия көздері департаменті директорының орынбасары лауазымында қызмет етті.

2018 жылы С. Торайғыров атындағы Павлодар мемлекеттік университетінде «Органикалық заттардың химиялық технологиясы» мамандығы бойынша техника және технология магистрі ғылыми дәрежесін алған.

2024 жылғы сәуір айынан бастап бүгінге дейін «KOREM» АҚ Нарықтарды дамыту департаментінің сарапшысы қызметін атқарып келеді.

Алма Қаратайқызының ел дамуына қосқан үлесі мемлекет тарапынан да жоғары бағаланды. 2016 жылы ол «Ерен еңбегі үшін» медалімен марапатталды.

«KOREM» АҚ ұжымы Алма Қаратайқызына ел игілігі үшін атқарған адал еңбегі мен кәсіби шеберлігі үшін шынайы алғысын білдіре отырып, зейнеткерлік кезеңі тек бақыт пен шаттыққа, денсаулық пен табысқа толы болсын деп тілейді

• 08.07.2025
• 15