Ааудан, қала басшыларымен жиын өткізді

2021 жылғы 12 наурызда өңірдегі аудан, қалалардың әкімдерімен жиын өткізілді.

Облыс әкімі орынбасарларының әрқайсысы өздері жетекшілік ететін салалардағы түрлі мәселелер бойынша сөз қозғады.

Облыс әкімінің бірінші орынбасары Лаззат Турлашовтың айтуынша, барлық аудан, қала әкімдері тұрғын үй, соның ішінде мемлекеттік бағдарламалармен салынатын тұрғын үйлер құрылысының қарқынын үдетуі керек. Су тасқынының алдын алу шаралары мен санитарлық тазалық мәселелері басты назарда болуы тиіс. Сол сияқты Л. Тұрлашов облыс әкімінің тапсырмасы бойынша орталықтандырылған жылыту жүйесіне қосу мақсатында көп қабатты үйлер үшін БМҚ орнату, аулаларды абаттандыру, шатырларын, қасбеттерін ағымдағы жөндеуге бағытталған жұмыстар басталғанын атап өтті.

Инвестиция тарту, көктемгі дала жұмыстарына дайындық жоспарлары туралы облыс әкімінің орынбасары Серік Тұрдалиев баяндады. Жиында аудан, қала әкімдері ауыспалы жайылым кестесі мен жайылымды игеру жоспарларын әзірлеу жұмыстарымен айналысуы керектігі айтылды.

Сол сияқты жиын барысында Өңірді дамытудың 2021-2025 жылдарға арналған бағдарламасын жүзеге асыру, кадрлық мәселелер және басқа да тақырыптар талқыланып, өзекті мәселелер бойынша бірқатар тапсырмалар берілді.

• 15.03.2021
• 184