Қазақстанда Ұлттық музей жанынан Реставрация орталығы құрылады

Қазақстан Республикасының Мәдениет және ақпарат министрі Аида Балаева Италия Мәдениет министрлігінің Реставрация жөніндегі орталық институтының директоры Луиджи Оливамен кездесті. Тараптар Қазақстан Республикасының Ұлттық музейі мен Италия Республикасының Реставрация жөніндегі орталық институты арасында Меморандумға қол қойды.

Құжатқа сәйкес, ҚР Ұлттық музей жанынан Реставрация орталығы құрылады. Жаңа мекеме тәжірибе алмасу, бірлескен семинарлар өткізу және білікті мамандар даярлау орталығы болмақ.

«Бұл бағыттағы институционалдық негіз құру – стратегиялық мәселе. Қазақстан мен Италия арасындағы қарым-қатынас қарқынды дамып келеді. Екі ел басшыларының кездесулері, өзара қолдауы және барлық бағыттарда – экономикалық, сыртқы саяси, мәдени-гуманитарлық ынтымақтастықты нығайтуы соның дәлелі. Осындай мәдени байланыстар біздің халықтардың бірін-бірі тереңірек тануына ықпал етеді», – деді Аида Балаева.

• 10.10.2025
• 16