Қазақстан мен Мысыр дін саласындағы ынтымақтастықты нығайтуда

Әлемдік және дәстүрлі діндер көшбасшыларының VIII съезі аясында Қазақстан Республикасының Мәдениет және ақпарат министрі Аида Балаева Мысыр Араб Республикасының Уақыптар министрі Усама әл-Азхаримен кездесті. Тараптар Қазақстан мен Мысыр арасындағы тарихи әрі рухани байланыстарға негізделген және 1992 жылдан дипломатиялық қатынастар орнағаннан бастап белсенді дамып жатқан достық қарым-қатынастардың жоғары деңгейін атап өтті.

Министрдің айтуынша, Мысыр елі араб-мұсылман әлемінің рухани және мәдени орталықтарының бірі саналады және Қазақстан үшін Мысыр араб әлеміндегі сенімді серіктес екенін атап өтті.
Сондай-ақ Аида Балаева Қазақстанның алдағы уақытта да конфессияаралық келісімнің үлгісі болып қала беретінін және Мысырмен бірлесіп халықаралық бастамаларға белсенді қатысуға дайын екенін жеткізді.

• 10.10.2025
• 19