БҚО-ның Бәйтерек ауданында 1200 орындық “Келешек мектебі” қолданысқа берілді

Батыс Қазақстан облысының Бәйтерек ауданына қарасты Достық ауылында 1200 орындық жаңа мектеп қолданысқа берілді. Бұл – Мемлекет басшысының тапсырмасына сәйкес жүзеге асырылып жатқан «Келешек мектептері» ұлттық жобасы аясында бой көтерген заманауи оқу мекемелерінің бірі.

Достық ауылындағы ескі мектеп ғимараты 1982 жылы салынған және 540 орынға ғана арналған болатын. Уақыт талабына сай келмейтін, апатты деп танылған ғимараттың орнына 3 қабатты жаңа мектеп салу – ауылдың әлеуметтік әлеуетін арттырудағы маңызды оқиғаға айналды.

Жаңа білім ошағында 3 спорт залы, кітапхана, STEM зертханасы, IT сынып, коворкинг орталық, сондай-ақ футбол және баскетбол алаңдары, жүгіру жолақтары бар. Оқу кабинеттері заманауи құрал-жабдықтармен толық қамтылған.

Биыл Батыс Қазақстан облысында «Келешек мектептері» жобасы аясында 5 мектеп қолданысқа берілді, тағы 4 мектептің құрылысы жалғасуда.

• 23.10.2025
• 49