Жайық өзені жағасындағы тынымбақ қайта жаңғыртылды

Мемлекет басшысы Қасым-Жомарт Кемелұлы Тоқаев өз Жолдауларында өңірлерді дамытудың басты мақсаты – халықтың өмір сапасын арттыру, қалалар мен елді мекендерді заманауи әрі жайлы ету керек екенін айтқан болатын.  Сол игі бастамалардың бірі ретінде ұлттық мереке – Республика күні қарсаңында Орал қаласындағы Жайық өзені бойындағы саябақ жаңғыртылудан кейін қайта қолданысқа берілді.

Жаңғырту жұмыстары аясында саябақ аумағында 16 мың шаршы метрге жуық көгал төселіп, 768 дана әртүрлі декоративті ағаш көшеттері  отырғызылды. Заманауи жарықтандыру жүйесі мен «Желкенді қайық» бейнесін көрсететін кіші сәулеттік нысаны орнатылып, демалушыларға жайлы жағдай жасау мақсатында орындықтар қойылды. Сонымен қатар, балаларға арналған ойын алаңы, спортпен айналысатындар үшін воркаут аймағы, субұрқақ және шағын сәулеттік нысандармен толықтырылды.  

Бүгінде Орал қаласында 57 саябақ пен демалыс аймағы бар. Соның ішінде 41 нысан жаңғыртылып, қала тұрғындары мен қонақтарының жайлы демалысы үшін қайта абаттандырылды. 

• 24.10.2025
• 6