Қазақстан чемпионаты: «Жетісу» волейболшы қыздары «Berel» командасынан басым түстіҚазақстан чемпионаты: «Жетісу» волейболшы қыздары «Berel» командасынан басым түсті

Талдықорғанда өтіп жатқан волейболдан Ұлттық лигадағы әйелдер командалары арасында Қазақстан Республикасы XXXIV чемпионатының ІІ кіші турда «Жетісу» мен «Berel» командалары шеберлік сынасты.

Өзіміздің «Жетісу» командасы тамаша ойын өрнегін көрсетіп, «Berel» клубын 3:1 есебімен жеңді. Қыздарымыздың бірлігі мен кәсіби шеберлігі қуантты.

Жарыстан кейін командамен кездесіп, жеңіспен құттықтадым.Чемпион болу қиын, ал чемпиондықты сақтап қалу одан да қиын. Бүгінгі ойында сіздер командалық береке-бірліктеріңізді, кәсіби шеберліктеріңізді көрсеттіңіздер. Алдағы уақытта да жеңісті жолды жалғастыруға барлық мүмкіндіктеріңіз бар, біз сіздерден тек жеңіс күтеміз

Бас жаттықтырушы Марко Гршич жақын күндері команданы үлкен сынақ күтіп тұрғанын айтты – желтоқсанның басында Бразилияның Сан-Паулу қаласында өтетін клубтық Әлем чемпионаты. Бұл – біздің спортшылар үшін үлкен тәжірибе әрі ел намысын қорғаудың зор мүмкіндігі.

Бүгінде «Жетісу» 20 ұпаймен чемпионат кестесінде бірінші орында. 9 дүркін ел чемпионы, 9 дүркін ҚР Кубогының және 4 мәрте Суперкубок иегері, Азия чемпиондар лигасының жеңімпазы – бұл атақтар кездейсоқ емес.

• 06.11.2025
• 14