«KOREM» АҚ алаңында 200 МВт қуат көлемінде аукциондар өткізілді

2025 жылғы 11 қарашада БЭЖ РК-ның барлық аймақтары бойынша жиынтық қуаты 200 МВт болатын ірі гидроэлектростанция құрылыс жобаларын іріктеу мақсатында жаңартылатын энергия көздері бойынша аукциондық сауда-саттықтар өткізілді.

Аукциондық сауда-саттыққа қатысуға 2 компанияға рұқсат берілді, қатысушылар 2 баға ұсынысын берді. Аукционға қатысушылар ұсынған жиынтық қуат көлемі 18,9 МВт-ты құрады.

2025 жылы ГЭС жобаларын іріктеу бойынша өткізілген аукциондық сауда-саттықтарда бастапқы аукциондық баға 41,23 теңге/кВтсағ (ҚҚС-сыз) деңгейінде белгіленді.

Аукцион барысында қатысушылардан түскен өтінімдер 41,23 теңге/кВт сағаттан 41,22 теңге/кВтсағатқа (ҚҚС-сыз) дейінгі баға ауқымын құрады.

Аукциондық сауда-саттықтың қорытындысы бойынша жеңімпаз болып келесі компаниялар анықталды:

• «ГЭС Лепсы-2» ЖШС – жобаның белгіленген қуаты 16,99 МВт, аукциондық баға – 41,23 тг/кВт·сағ (ҚҚС-сыз);
• «MILIAR COMPANY» ЖШС – жобаның белгіленген қуаты 12 МВт, аукциондық баға – 41,22 тг/кВт·сағ (ҚҚС-сыз);

Аукциондық сауда-саттыққа Қазақстан Республикасы Энергетика министрлігі, «Еуразиялық даму банкі» АҚ, «KazЕnergy» Қазақстан мұнай-газ және энергетика кешені ұйымдарының қауымдастығы», «Qazaq Green» ЖЭК қауымдастығы», «ECOJER» Қазақстандық аймақтық экологиялық бастамалар қауымдастығы,  «Атамекен» кәсіпкерлер палатасы өкілдері бақылаушы ретінде қатысты. Бақылаушылар аукционның бекітілген нормативтік құқықтық актілерге сәйкес өткізілгенін атап өтті, сонымен қатар аукционды ұйымдастырушы – «КОRЕМ» АҚ электрондық сауда жүйесінің ашықтығын растады.

Келесі аукцион 2025 жылғы 12 қарашада барлық аймақтар бойынша жалпы орнатылған қуаты 20 МВт болатын БиоЭС жобаларын іріктеу үшін өткізуге жоспарланған.

• 12.11.2025
• 10