Генерацияның маневрлік режимі бар жаңадан пайдалануға берілетін генерациялайтын қондырғыларды салуға арналған аукциондық сауда-саттыққа рұқсат алған компаниялар анықталды

Осы арқылы аукциондық сауда-саттықтарды ұйымдастырушы функцияларын жүзеге асыратын «Электр энергиясы мен қуат нарығының қазақстандық операторы» АҚ 2025 жылғы 24 қарашада Қазақстан Республикасы Энергетика министрлігінің алаңында маневрлік режимде генерациялайтын жаңадан іске қосылатын генерациялау қондырғыларын салу жөніндегі аукциондық сауда-саттықтарды ұйымдастыру және өткізуге байланысты шешімдер қабылдау жөніндегі Комиссияның (бұдан әрі – Комиссия) отырысы өткенін хабарлайды.

Комиссия аукциондық сауда-саттыққа қатысу үшін өтінім берушілер ұсынған құжаттарды қарастырып, аукциондық сауда-саттықтардың ұйымдастырушысының электрондық жүйесінде тіркеуге келесі компанияларды жіберу туралы шешім қабылдады:

1. «Green Era company» ЖШС;
2. «Fortech Industry» ЖШС;
3. «Aksa Shymkent Energy» ЖШС.

Еске сала кетейік, Қазақстан Республикасы Энергетика министрінің 2025 жылғы 13 маусымдағы № 237-н/қ бұйрығымен бекітілген 2025 жылға арналған аукциондық сауда-саттықтарды өткізу кестесіне сәйкес, ағымдағы жылдың 15 желтоқсанда сағат 09:00-де және 15:00-де Астана және Шымкент қалаларында әрқайсысы 500 МВт болатын парогаздық қондырғыларды салу жобалары бойынша аукциондық сауда-саттықтар өткізіледі.

Өз кезегінде «Қазақстан электр энергиясы мен қуаты рыногының операторы» АҚ жоғарыда аталған компанияларды аукциондық сауда-саттықтардың ұйымдастырушысының электрондық жүйесінде тіркеуге шақырады.

Аукциондық сауда-саттыққа қатысты барлық сұрақтар бойынша келесі байланыс телефоны арқылы жүгінуге болады: + 7 (7172) 982-965.

• 27.11.2025
• 8